Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
12.07.2021, 10:55

Казанда Транспорт комитеты рәисе вазыйфасына сайлап алу игълан ителде

Яңа җитәкчегә шәһәрнең транспорт системасы үсешен яңа дәрәҗәгә күтәрергә туры киләчәк, дип билгеләп үтте Рөстәм Гафаров.

Фото: Денис Гордийко

(Казан шәһәре KZN.RU, 12-нче июль, Камилә Гобәйдуллина). Транспорт комитеты рәисе вазыйфасына ачык сайлап алу чарасын бүген эшлекле дүшәмбедә шәһәр Башкарма комитеты җитәкчесе Рөстәм Гафаров игълан итте. Сайлауда яшәү урынына бәйсез рәвештә барлык теләүчеләр дә катнаша алачак.

«Комитет рәисе вазыйфасында без энергияле һәм инициативалы гына түгел, ә җәмәгать транспорты өлкәсен яхшы белгән, аның турында шәһәр һәм ил чикләреннән чыга торган киң күзаллаулары булган кешене күрергә теләр идек», – диде Р.Гафаров. Аның сүзләренә караганда, комитетка бүгенге көн турында кайгыртып кына калмыйча, киләчәккә кыю рәвештә күз сала алырлык җитәкче кирәк.

«Без җәмәгать транспорты системасына күп көч салдык, һәм хәзер безгә планканы төшермәү генә аз. Транспорт системасын үстерү, аны камилләштерү һәм җәмәгать транспортының уңайлылыгын арттыру яңа дәрәҗәгә күтәрелергә тиеш», – диде ул. Башкарма комитет җитәкчесе яңа рәис алдында зур бурычлар торачак, дип өстәде, чөнки бу вазыйфа амбицияле кешеләргә туры килә.

Исегезгә төшерәбез, элек структур бүлекчәне җитәкләгән Айдар Абдулхаков «Метроэлектротранс» МУП җитәкчесе вазыйфасына күчте. Ул Транспорт комитеты рәисе булып 15 елдан артык эшләде.

Элегрәк сайлап алу нәтиҗәләре буенча Балалар һәм яшьләр эшләре комитеты рәисе билгеләнде – структур бүлекчәне Минтимер Ногманов җитәкләде.

Фоторепортаж
Эшлекле дүшәмбе, 12.07.2021
Барлык яңалыклар