Казанның Бауман урамында 24 видеокүзәтү камерасы урнаштырылган

Алар югары резолюция белән җиһазландырылган – биш мегапиксель – һәм төнге төшерү функциясе тоташтырылган

Казанның Бауман урамында – атаклы Казан сәгатьләреннән алып Меңьеллык мәйданына кадәр – 24 заманча IP камера урнаштырылган. Яңа камералар вәхшилек гамәлләренә һәм башка хокук бозуларга җавап бирүнең тизлеген арттырырга,шулай ук шәһәрдә яшәүчеләрнең һәм кунакларның куркынычсызлыгын арттырырга тиеш.

Камералар югары резолюцияле – биш мегапиксель – һәм төнге төшерү функциясе белән җиһазландырылган, бу тәртип бозучыларның йөзләрен һәм очракларның детальләрен төгәл теркәргә мөмкинлек бирәчәк. Яңа әсбаплар вакыйгаларны тәүлек буе язып бара. Җиһазларны урнаштыруны «Уфанет» компаниясе башкарды.

Видеоматериаллар 30 тәүлек дәвамында сакланачак. Вәхшилек гамәлләре яки башка вакыйгалар ачыкланган очракта, тиешле видеоматериаллар кичекмәстән полиция бүлекләренә чаралар күрү өчен җибәреләчәк.

Планнарда шундый ук камераларны Профсоюз урамында урнаштыру тора.

Шулай ук укыгыз

Барлык яңалыклар