Казанда күп балалы гаиләләрдәге балалар өчен хастл буенча мастер-класс узачак

(Казан шәһәре KZN.RU, 15-нче август). 17-нче августта Казанда «Лада» яшүсмерләр клубында хастл буенча бию мастер-классы узачак. Аны Россия һәм халыкара турнирларда җиңүчеләр һәм призерлар Регина Цокур һәм Максим Истомин уздырачак.

Мастер-класста күп балалы гаиләләрдә тәрбияләнүче 6 яшьтән өлкәнрәк булган балалар катнаша ала. Дәрес Гаврилов ур., 22 адресы буенча узачак, чара 13.00 сәгатьтә башлана.

Мастер-класста катнашу бушлай, алдан 8(843) 236-65-61 телефоны буенча язылу кирәк. Үзең белән алмаш аяк киеме алып килергә кирәк, дип хәбәр итә «Игелекле эшләр көне» хәйрия фондының матбугат хезмәте.